Psalms 39
Tumtheih makaipi ading. Jeduthun adingin David phuah.
1 Keimah in, “Ka gamtatnate ah kidawmina mawh lo dingin ka leii ka kem ding hi; a
ka omna ah migilote a om laisiah
ka muk ah muktuam ka thuah ding hi,” ka ci hi. b
2 Ahi hangin daitaka ka om dide ciang, c
a hoih khat nangawn ka gen loh ciangin
ka lunggimna a khang semsem hi. d
3 Ka sungah ka lung so a, e
ka ngaihsut kawmkawmin meikuang hi; f
tua ciang ka leii-in thu ka gen a:
4 “TOPA aw, ka nuntak hun beina le
ka ni phazah hong lak in; g
ka nuntakna a beipah ding zia kei hong theisak in. h
5 Ka nuntak hun sung zapek cia bekbek na phasak a; i
nangma mai-ah ka nuntak kum bangmah tan ahi kei hi.
Mihing khat nuntakna husan khat bek ahi hi. j
6 Mihing pen telmunmel om lo-a vaksuk vaktoh ahi hi: k
Ama a kibuaisakna a mawkna hi a; l
hauhna kholkhol ta leh kuan’n ngah ding cih a thei kei hi.
7 “Ahi hangin Topa aw, tu-in bang zong ka hi hiam?
Ka lametna nang sungah a om hi. m
8 Ka tatkhialhna khempeuh panin hong hon inla; n
mihaite simmawh hong hisak kei in. o
9 Ka dai dide hi; nang sem khin na hi manin p
ka kam ka kek kei ding hi. q
10 Na satna khauteep kei tung panin lakhia ta in; r
na khuttum a nong tupna in kong hong zothawh hi.
11 Mite amau mawhna hangin taihilhin na sektat a; s
ngetpi bangin amau hauhna na gaitum a - t
mihing pen husan khat bek ahi hi. u
12 “TOPA aw, kong thungetna hong za inla
nong huh dinga kong kikona hong ngai in;
ka kahna hong bengngonsan kei in.
Ahang in, ka pate khempeuh bangin pemta le v
mikhualin nang tawh ka tengkhawm hi. w
13 Kei hong kimuhmawhbawl in, kei paikhia-a ka om nawnloh ma-in x
ka lungnop kik theih nadingin kei hong hawi in,” ka ci hi.
Copyright information for
ZomZIV